1 րոպեի ընթերցում
Լաս Վեգասում ընթացող «Freestyle Chess Grand Slam Tour» Ֆիշերի արագ շախմատի մրցաշարի կիսաեզրափակչում գրոսմայստեր Լևոն Արոնյանը 2:0 հաշվով վստահ հաղթանակ է տարել Արջուն Էրիգաիսիի նկատմամբ և դուրս եկել եզրափակիչ: «Արմենպրես»-ի հաղորդմամբ՝ այս մասին հայտնում է Հայաստանի շախմատի ֆեդերացիան։
Եզրափակիչում Արոնյանը կմրցի ամերիկացի շախմատիստ Հանս Մոկե Նիմանի հետ։ Եզրափակիչի առաջին խաղը նախատեսված է հուլիսի 20-ին՝ Երևանի ժամանակով 22:00-ին։
Մրցաշարի ընթացքում Լևոն Արոնյանը հաղթել է մի խումբ հեղինակավոր մրցակիցների, այդ թվում՝ քառորդ եզրափակչում աշխարհի երկրորդ շախմատիստ Հիկարու Նակամուրային, իսկ թայ-բրեյքում՝ աշխարհի ռեկորդակիր Մագնուս Կարլսենին: