1 րոպեի ընթերցում
Միլանի «Ինտեր»-ը դուրս է եկել աշխարհի ակումբային առաջնության 1/8 եզրափակիչ:
«Արմենպրես»-ի հաղորդմամբ` ԱՄՆ-ում ընթացող աշխարհի ակումբային առաջնության E խմբի վերջին տուրի խաղում «Ինտեր»-ը մրցեց արգենտինական «Ռիվեր Փլեյթ» ակումբի հետ ու առավելության հասավ 2:0 հաշվով: Միլանյան ակումբի կազմում աչքի ընկան Էսպոսիտոն ու Բաստոնին:
Այս հաղթանակի շնորհիվ «Ինտեր»-ը հաղթահարեց խմբային փուլի արգելքը: Նրանց հաջորդ մրցակիցը բրազիլական «Ֆլումինենսե»-ն է:
Հայաստանի ֆուտբոլի ազգային թիմի նախկին ավագ Հենրիխ Մխիթարյանն «Ինտեր»-ի մեկնարկային կազմում էր և մասնակցեց ամբողջ խաղին:
Հանդիպման ավարտից հետո «Ինտեր»-ի և «Ռիվեր Փլեյթ»-ի ֆուտբոլիստների միջև բախում է եղել: