Հայաստանի թենիսի կանանց ընտրանին հաղթանակով է մեկնարկել Բիլլի Ջին Քինգի գավաթի խաղարկությունում

Մոլդովայում մեկնարկել է Բիլլի Ջին Քինգի թենիսի գավաթի խաղարկությունը:

«Արմենպրես»-ի հաղորդմամբ` այս մասին հայտնում է Հայաստանի թենիսի ֆեդերացիան: Երրորդ ենթախմբում ընդգրկված Հայաստանի հավաքականը մեկնարկում 3:0 հաշվով հաղթանակ է տոնել Սան Մարինոյի հավաքականի նկատմամբ:

Մենախաղում հաղթանակ են տարել Ալեքսանդրա Կորնևան (6:1 6։1) ու Ալինա Սողոմոնյանը (6:4 1։6 6։3)։

Անի Ամիրաղյան-Ալինա Սողոմոնյան զույգը հաղթել է զուգախաղում (6:2 6։1)։

Հայաստանի հավաքականի ավագը Գայանե Մովսիսյանն է։

Սան Մարինոյից բացի Հայաստանի հետ նույն խմբում են ընդգրկված նաև Մալթայի ու Անդորրայի հավաքականները։