1 րոպեի ընթերցում
Երևանի «Արարատ-Արմենիա» ֆուտբոլային ակումբը նոր համալրում ունի կազմում:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը:
Թիմին է միացել բրազիլացի հարձակվողական ոճի կիսապաշտպան Վելթոն Ջունիորը:
26-ամյա Վելթոնն իր ֆուտբոլային կարիերան սկսել է հարազատ Բրազիլիայում, ապա տեղափոխվել Պորտուգալիա, որտեղ էլ հանդես է եկել վերջին 6 տարիների ընթացքում:
Հայաստանի արդեն իսկ ավարտված առաջնությունում «Արարատ-Արմենիա»-ն մրցաշարային աղյուսակում 2-րդն էր: Իսկ մրցաշրջանի ավարտին թիմի գլխավոր մարզիչ Վարդան Մինասյանը հեռացավ թիմից, իսկ նրան փոխարինեց պորտուգալացի մասնագետ Տուլիպան: