Ավանդական և ժամանակակից մեթոդները համատեղվում են չինական բժշկության մեջ

Չինաստանում ավանդական հիվանդանոցները հաճախ համատեղում են ավանդական մեթոդները և ժամանակակից բժշկությունը։ Ավանդական չինական բժշկության կիրառման ժամանակ հիվանդանոցներն օգտագործում են դասական մեթոդներ՝ ակնակետային մերսում, բուսաբուժություն՝ հին դեղատոմսերով պատրաստված խառնուրդներ,  ակուպունկտուրա՝ սոսնձախցիկների և ասեղների միջոցով էներգիայի հոսքի կարգավորում, մակարկիչներով թերապիա, տուինա մերսում՝ բուժական մերսման տեխնիկա՝ էներգիայի հոսքը կարգավորող վարժություններ, ցիգուն, սննդաբուժություն։ Այս մոտեցումները նպատակ ունեն վերականգնել մարմնի էներգետիկ հավասարակշռությունը՝ ի տարբերություն արևմտյան բժշկության, որը շեշտը դնում է հիվանդության ախտանիշների վրա։

«Արմենպրես»-ի թղթակցի փոխանցմամբ՝ Չինաստանի Սինցզյան-Ույղուրական ինքնավար շրջանի մայրաքաղաք Ուրումչի այցելած միջազգային լրագրողներին հիվանդանոցներից մեկում ծանոթացրել են ավանադական չինական բժշկության մի ամբողջական բժշկական համակարգի հետ, որն ունի ավելի քան 2000 տարվա պատմություն։ Այն հիմնված է չինական փիլիսոփայության վրա՝ էներգիա, փայտ, հող, մետաղ, ջուր։

Սինցզյան-Ույղուրական ինքնավար շրջանում գործում են ինչպես պետական, այնպես էլ մասնավոր ավանդական բժշկական հաստատություններ։ Բազմաթիվ բժիշկներ ուսումնասիրում են ավանդական չինական բժշկությունը ոչ միայն գործնականում, այլև դրան մոտենում են գիտականորեն։ Շատ հիվանդանոցներ նաև գործում են որպես ուսումնական բազա ավանդական չինական բժշկությունն ուսումնասիրող ուսանողների համար։