1 րոպեի ընթերցում
Գերմանիայի Համբուրգ քաղաքում դանակով զինված անձը հարձակվել է անցորդների վրա։ «Արմենպրես»-ի փոխանցմամբ՝ Der Spiegel–ը գրում է, որ նախնական տվյալներով տուժել է առնվազն 12 մարդ։
Լրատվամիջոցի աղբյուրները հայտնում են, որ երեք մարդ ստացել է կյանքին վտանգ սպառնացող վնասվածքներ, ևս երեքը՝ լուրջ վնասվածքներ, իսկ վեցը՝ թեթև։
Bild պարբերականի փոխանցմամբ՝ ոստիկանությունը ձերբակալել է մի կնոջ։ Դեռևս հստակ չէ՝ արդյոք նա կապված է հարձակման հետ։
Ոստիկանությունը շարունակում է պարզել միջադեպի հանգամանքները։