Պետգույքի կառավարումից նախորդ տարի ստացված ֆինանսական մուտքերը 2023 թվականի համեմատ աճել են 21 տոկոսով
1 րոպեի ընթերցում
ՀՀ կառավարության մայիսի 22-ի նիստում հաստատվել է Պետական գույքի կառավարման 2024-2026 թվականների ծրագրի կատարման 2024 թվականի տարեկան հաշվետվությունը։
«Արմենպրես»-ի փոխանցմամբ՝ 2024 թվականին պետական գույքի կառավարումից ստացված ֆինանսական մուտքերը կազմել են 18.6 մլրդ ՀՀ դրամ։ 2023 թվականի համեմատ այս ցուցանիշը աճել է 21 %-ով կամ շուրջ 3.2 մլրդ ՀՀ դրամով։
2024 թ.-ին պետական գույքի կառավարման ոլորտում իրականացված գործարքների արդյունքում ստանձնվել է 36.4 ՀՀ մլրդ դրամի ներդրումային պարտավորություն։
Հաշվետու տարում կատարվել է՝
- 31 միավոր անշարժ գույքի օտարում
- 206 միավոր տրանսպորտային միջոցի օտարում
- 1 կազմակերպության 100% պետական բաժնեմասի մասնավորեցում
- 235 տարածք հանձնվել է վարձակալությամբ
Պետգույքի տարածած հաղորդագրության մեջ նշվում է, որ վերջին երեք տարիների ընթացքում Կոմիտեի կողմից շարունակաբար ապահովվում է կայուն, հետևողական աճ. գույքի կառավարումից ստացվող ընդհանուր եկամուտներն ավելացել են 6.4 անգամ։ Ընդգծվում է, որ հաշվետու տարում պետական գույքի կառավարման ոլորտում իրականացված բարեփոխումները և ծրագրերը նպաստել են պետական գույքի առավել արդյունավետ և նպատակային օգտագործմանը։