«Մհեր Մկրտչյան» արտիստական թատրոնն արդիականացվել է

Երևանի քաղաքապետարանի ենթակայությամբ գործող «Մհեր Մկրտչյան» արտիստական թատրոնը կառուցումից ի վեր առաջին անգամ հիմնանորոգվել ու վերազինվել է:

«Արմենպրես»-ի փոխանցմամբ՝ այս մասին հաղորդագրություն է տարածել Երևանի քաղաքապետարանը՝ կից հրապարակելով տեսանյութ: 

Նախագծի համաձայն՝ մասնագետները տվել են համալիր լուծումներ՝ ջրահեռացման համակարգի փոխարինում, տանիքի վերանորոգում, դռների ու պատուհանների փոխարինում, հակահրդեհային անվտանգության նոր համակարգերի տեղադրում:

Թատրոնն արդեն  ունի  լուսաձայնային նոր սարքավորումներ, նորոգվել են բեմն ու դահլիճը: