1 րոպեի ընթերցում
Հայաստանի մարմնամարզության հավաքականն աշխարհի գավաթի խաղարկության 4-րդ փուլին կմասնակցի 5 մարզիկով:
«Արմենպրես»-ի հաղորդմամբ` այս մասին հայտնում է Հայաստանի մարմնամարզության ֆեդերացիան:
Ապրիլի 7-14-ը Խորվաթիայի Օսիջեկ քաղաքում կկայանա սպորտային մարմնամարզության աշխարհի գավաթի չորրորդ փուլը, որին Հայաստանը կմասնակցի հետևյալ կազմով` Արթուր Դավթյան, Վահագն Դավթյան, Արթուր Ավետիսյան, Համլետ Մանուկյան, Մամիկոն Խաչատրյան:
Մինչ այս Հայաստանի հավաքականից աշխարհի գավաթի խաղարկության երկու փուլերում ոսկե մեդալակիր էր դարձել Արթուր Դավթյանը, գավաթի խաղարկության առաջին փուլում ոսկե մեդալ էր նվաճել նաև Վահագն Դավթյանը: