Կանանց ֆուտբոլի ընտրանին առաջին պարտությունը կրեց Ազգերի լիգայում

Հայաստանի ֆուտբոլի կանանց հավաքականն առաջին պարտությունն է կրել Ազգերի լիգայի որակավորման փուլում:

«Արմենպրես»-ի հաղորդմամբ` ՈՒԵՖԱ կանանց Ազգերի լիգայի երրորդ տուրում Հայաստանի կանանց ընտրանին Ավանի ֆուտբոլի ակադեմիայի մարզադաշտում հյուրընկալեց Լյուքսեմբուրգի թիմին ու զիջեց 1:3 հաշվով: Հայաստանի հավաքականի միակ գնդակը խփեց Սվետլանա Ղարագյոզյանը:

Հաջորդ հանդիպումը Հայաստանի ընտրանին կանցկացնի ապրիլի 8-ին` արտագնա խաղում մրցելով  Ղազախստանի հավաքականի հետ: