Շախմատի կանանց Եվրոպայի անհատական առաջնության մեկնարկում Հայաստանից հաղթանակ է տոնել 5 շախմատիստ
1 րոպեի ընթերցում
Հայաստանը ներկայացնող շախմատիստները մեկնարկեցին կանանց Եվրոպայի անհատական առաջնությունում:
«Արմենպրես»-ի հաղորդմամբ` մրցաշարի անդրանիկ տուրում հաղթանակ տոնեցին Էլինա Դանիելյանը, Լիլիթ Մկրտչյանը, Մարիամ Մկրտչյանը, Մարիա Գևորգյանը, Սուսաննա Գաբոյանը: Իրենց պարտիաները ոչ-ոքի ավարտեցին Գաբրիելա Հարությունյանը, Անի Նահապետյանը, Աննա Խաչատրյանը: Պարտվեց Սոնա Կրկյաշարյանը:
Շախմատի կանանց Եվրոպայի անհատական առաջնությանը մասնակցում է 125 շախմատիստ: Հայաստանը մրցաշարին մասնակցում է 9 մարզիկով: