Վարդենիս համայնքում հայտնի են «Հայաստանի Հանրապետության Վարչապետի գավաթ» սեղանի թենիսի սիրողական մրցաշարի համայնքային փուլի հաղթողները

2025 թվականի մարտի 26-ին Վարդենիսի Մհեր Մկրտչյանի անվան մշակույթի պալատի ճեմասրահում մեկնարկել է  «Հայաստանի Հանրապետության Վարչապետի գավաթ» սեղանի թենիսի սիրողական մրցաշարի համայնքային փուլը։

Մրցաշարի ընթացքին հետևել են  Վարդենիսի համայնքապետարանի ներկայացուցիչներ, Վարդենիսի Ռ․ Եսայանի անվան քաղաքային մարզադպրոցի աշխատակազմը, մարզիչներ։

Պայքարի մեջ են մտել  1-ին տարիքային խմբի՝ 5-9-րդ դասարանների աշակերտներից կազմված դպրոցական հավաքական թիմերը և 2-րդ տարիքային խմբի՝ 10-12-րդ դասարանների աշակերտներից կազմված դպրոցական հավաքական թիմերը։ 

1-ին տարիքային խմբի՝ 5-9-րդ դասարաններում սովորող դպրոցականների մրցապայքարում 1-ին տեղը գրավել է Շատջրեքի միջնակարգ դպրոցի թիմը։ Երկրորդ տեղը զբաղեցրել է Վանևանի միջնակարգ դպրոցի, երրորդ տեղը՝ Ծովակի միջնակարգ դպրոցի թիմը։

Երկրորդ տարիքային խմբում՝ 10-12-րդ դասարաններում սովորող դպրոցականների մրցապայքարում առաջին տեղը գրավել է  Շատջրեքի միջնակարգ դպրոցի թիմը։ Երկրորդ տեղը զբաղեցրել է Վանևանի միջնակարգ դպրոցի, երրորդ տեղը՝ Կարճաղբյուրի միջնակարգ դպրոցի թիմը։    

Համայնքային փուլում յուրաքանչյուր տարիքային խմբում 1-ին, 2-րդ և 3-րդ տեղեր գրաված դպրոցական թիմերը կմասնակցեն մրցաշարի մարզային փուլի մրցումներին։

Խոսրով Խլղաթյան