1 րոպեի ընթերցում
Հայաստանը ներկայացնող շախմատիստները Եվրոպայի անհատական առաջնության առաջատարների շարքում են:
«Արմենպրես»-ի հաղորդմամբ` Եվրոպայի անհատական առաջնության 8-րդ տուրից հետո Գաբրիել Սարգսյանը, 8 հնարավորից հավաքելով 6,5 միավոր՝ առաջատարների շարքում է: 6 միավոր է հավաքել Հայկ Մարտիրոսյանը: 5,5-ական միավոր ունեն Ռոբերտ Հովհաննիսյանն ու Շանթ Սարգսյանը:
Եվրոպայի առաջնության ավարտին մնաց 3 տուր:
Շախմատի Եվրոպայի անհատական առաջնությունն անցկացվում է Ռումինիայում: Այն մեկնարկել է մարտի 15-ին և կեզրափակվի մարտի 26-ին: Մրցաշարին մասնակցում է 390 շախմատիստ: Հայաստանից առաջնությանը մասնակցում է 10 շախմատիստ:
