368.52
ՀՀ ԱԳՆ գլխավոր քարտուղարը Էստոնիայի գործընկերոջը հրավիրել է «Երևանյան երկխոսության» միջազգային համաժողովին
1 րոպեի ընթերցում
«Ռաիսինա երկխոսություն 2025» համաժողովի շրջանակներում Նյու Դելիում գտնվող ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Էստոնիայի ԱԳՆ գլխավոր քարտուղար Յոնաթան Վսեվիովի հետ:
Ինչպես «Արմենպրես»-ը տեղեկանում է Հայաստանի արտաքին գործերի նախարարության տարածած հաղորդագրությունից, հանդիպման ընթացքում կողմերը քննարկել են Հայաստան-Էստոնիա երկկողմ հարաբերությունների օրակարգին առնչվող հարցեր՝ ընդգծելով փոխադարձ հետաքրքրություն ներկայացնող ոլորտներում երկու երկրների նախարարությունների միջև համագործակցության կարևորությունը:
Գլխավոր քարտուղարը զրուցակցին է ներկայացրել տարածաշրջանում կայունությանն ու անվտանգությանն առնչվող կետերը` կարևորելով երկխոսությունը և փոխադարձ վստահության անհրաժեշտությունը։
Դավիթ Կարապետյանը զրուցակցին հրավիրել է «Երևանյան երկխոսության» միջազգային համաժողովին` ընդգծելով նմանօրինակ ձևաչափում համագործակցության կարևորությունը։
Բաժանորդագրվեք մեր ալիքին Telegram-ում