Իրանը սկսել է իրիդիումի հեքսաֆտորիդ արտադրել Սպահանի միջուկային օբյեկտում

Իրանի Իսլամական Հանրապետությունը սկսել է իրիդիումի հեքսաֆտորիդի (IRF6) արտադրությունը Սպահանի նահանգում տեղակայված միջուկային օբյեկտում։

«Արմենպրես»-ի փոխանցմամբ՝ այս մասին հայտնում է իրանական Mehr գործակալությունը։

«Իրանի միջուկային տեխնոլոգիաների ոլորտի համար նշանակալի ձեռքբերում է իրիդիումի հեքսաֆտորիդի (IRF6) արտադրական գծի գործարկումը Սպահանի «Շահիդ Ռաիսի» միջուկային օբյեկտում: Գործարկման արարողությանը ներկա են եղել Իրանի ատոմային էներգիայի կազմակերպության ղեկավար Մոհամադ Էսլամին, ինչպես նաև միջուկային արդյունաբերության բարձրաստիճան ներկայացուցիչներ»,-նշում է իրանական գործակալությունը։

Վերջինիս փոխանցմամբ՝ վերջերս ստեղծված IRF6 արտադրագիծը կօգտագործվի IR-191 իզոտոպը հարստացնելու և տրոհելու համար, որը շատ կարևոր բաղադրիչ է մի շարք բժշկական ու արդյունաբերական կիրառություններում: 

Հաղորդվում է, որ առաջատար արտադրական գծի գործարկմամբ՝ Իրանը դարձավ սակավաթիվ երկրներից մեկը, որը կարող է արտադրել իրիդիումի հեքսաֆտորիդ (IRF6): 

«Այս ձեռքբերումը ոչ միայն ուժեղացնում է երկրի ներքին հնարավորություններն, այլև այլ երկրներ հնարավոր արտահանման համար դուռ է բացում»,-գրում է իրանական լրատվամիջոցը։