1 րոպեի ընթերցում
AP
Սերբիայի նախագահ Ալեքսանդր Վուչիչը սերբ ուսանող ցուցարարներին առաջարկել է երկխոսություն սկսել տարաձայնությունները հաղթահարելու նպատակով:
«Արմենպրես»-ի հաղորդմամբ, այս մասին փետրվարի 3-ին, հայտնել է Սերբիայի պետական տեղեկատվական Tanjug գործակալությունը։
Համապատասխան առաջարկը Սերբիայի ղեկավարը ներկայացրել է պաշտոնական նամակում, որն հասցեագրել է Բելգրադի ռեկտորատին:
«Եթե բուհերի դասախոսներն ու ուսանողները հավատարիմ են այն դիրքորոշմանը, որ պահանջները մասամբ կամ ամբողջությամբ չեն կատարվել, անհրաժեշտ է երկխոսություն սկսել այս և այլ հարցերի շուրջ, որոնք կարող են դեր խաղալ ստեղծված իրավիճակի հաղթահարման գործում։ Ես ձեզ հրավիրում եմ փետրվարի 5-ին, ձեզ հարմար ժամանակ, բանակցություններ սկսել երիտասարդների և ողջ հասարակության բարօրության համար»,- գրել է Սերբիայի ղեկավարը։