ՀՀ ՄԻՊ-ն ու ԵԽ ներկայացուցիչն անդրադարձել են «Մարդու իրավունքների խթանումը Հայաստանի զինված ուժերում» ծրագրի շրջանակներում իրականացվող միջոցառումներին
1 րոպեի ընթերցում
Հայաստանի Հանրապետության մարդու իրավունքների պաշտպան Անահիտ Մանասյանն ընդունել է Եվրոպայի խորհրդի Մարդու իրավունքների և իրավունքի գերակայության գլխավոր տնօրինության Թրանսվերսալ մարտահրավերների և բազմակողմ ծրագրերի իրականացման վարչության ղեկավար Տիգրան Կարապետյանին:
Ինչպես «Արմենպրես»-ը տեղեկանում է ՄԻՊ-ի տարածած հաղորդագրությունից, հանդիպման ընբթացքում Անահիտ Մանասյանը կարևորել է Եվրոպայի խորհրդի հետ Մարդու իրավունքների պաշտպանի հաստատության կայուն և կառուցողական համագործակցությունը, ընդգծել ԵԽ-ի հետ իրականացվող ծրագրերի դերը Հայաստանում մարդու իրավունքների պաշտպանության համակարգի զարգացման գործում։
Այս համատեքստում անդրադարձ է կատարվել «Մարդու իրավունքների խթանումը Հայաստանի զինված ուժերում» ծրագրի շրջանակներում իրականացվող միջոցառումներին։
Քննարկվել են նաև ռազմական ուսումնական հաստատություններում մարդու իրավունքների կրթության կատարելագործման և զարգացման անհրաժեշտության հարցերը, նախանշվել են ծրագրային նոր ուղղություններ։