Պատմությունից սերտած պրակտիկ նշանակությամբ դասը ՀՀ քաղաքացիների համար պետք է լինի իրական Հայաստանի գաղափարախոսությունը. Փաշինյան
1 րոպեի ընթերցում
ԵՐԵՎԱՆ, 5 ՀՈՒՆՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը հայտարարել է, որ իրական Հայաստանի գաղափարախոսությունն է այն դասը, որ քաղել է պատմությունից:
«Արմենպրես»-ի հաղորդմամբ՝ այս մասին նա նշել է «Ֆեյսբուք»-ի իր էջում հրապարակած տեսանյութում՝ անդրադառնալով Հայոց պատմության ակադեմիական հրատարակության ընթերցումից ունեցած տպավորություններին:
«Վստահ եմ, որ այդ դասը պետք է դառնա համապետական: Հայաստանի Հանրապետության քաղաքացիների, ժողովրդի, հանրության համար պատմությունից սերտած դասը, որն ունի պրակտիկ նշանակություն, իրական Հայաստանի գաղափարախոսությունն է: Այս գրքի ընթերցումն ինձ մեկ անգամ ևս համոզեց դրանում»,-ասել է Փաշինյանը:
Նրա խոսքով՝ պատմության այն փաստերն ու փաստարկները, որոնց անդրադարձել է 7-րդ դասարանի պատմության դասագրքի մասին խոսելիս, վերահաստատում են, որ դպրոցներում դասավանդվող այդ առարկան պետք է կոչվի «Հայաստանի պատմություն»:
«Սա շատ հայեցակարգային, գաղափարախոսական, փիլիսոփայական հարց է»,-ընդգծել է վարչապետը: