396.83
ՄԱԿ-ի գլխավոր քարտուղարը ցավակցություն է հայտնել Հարավային Կորեայում տեղի ունեցած ավիավթարի կապակցությամբ
1 րոպեի ընթերցում
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: ՄԱԿ-ի գլխավոր քարտուղար Անտոնիու Գուտերեշը ցավակցություն է հայտնել Հարավային Կորեայում ավիավթարի հետևանքով զոհվածների մերձավորներին և կառավարությանը։ Այդ մասին «Արմենպրես»-ը տեղեկանում է ՏԱՍՍ գործակալությունից:
«Գլխավոր քարտուղարը խորապես վշտացած է Կորեայի Հանրապետության Մուանի շրջանում տեղի ունեցած ավիավթարից, որը խլել է 179 մարդու կյանք: Նա ցավակցում է զոհվածների ընտանիքներին և հայտնում համերաշխություն Կորեայի Հանրապետության ժողովրդին և կառավարությանն այս դժվարին ժամին»,-ասված է ՄԱԿ-ի մամուլի ծառայության հաղորդագրության մեջ։
Գլխավոր քարտուղարը նաև արագ և լիակատար ապաքինում է մաղթել այդ ողբերգական պատահարում տուժածներին:
Բաժանորդագրվեք մեր ալիքին Telegram-ում