Փաշինյանը Վանաձորում և Սպիտակում հարգանքի տուրք է մատուցել 1988 թվականի աղետալի երկրաշարժի զոհերի հիշատակին
1 րոպեի ընթերցում
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանը Վանաձորում և Սպիտակում հարգանքի տուրք է մատուցել 1988 թվականի դեկտեմբերի 7-ի աղետալի երկրաշարժի զոհերի հիշատակին։
«Արմենպրես»-ի փոխանցմամբ՝ վարչապետը հարգանքի տուրքի արարողություններից տեսանյութեր է հրապարակել սոցիալական ցանցերի իր էջերում։
1988 թվականի աղետալի երկրաշարժի զոհ է դարձել 25 հազար մարդ, ավելի քան 500 հազար մարդ դարձել է անօթևան, հաշմանդամ է դարձել 50 հազար մարդ:
Հայաստանի տնտեսությունը հսկայական վնասներ է կրել, ավերվել է շուրջ 157 արդյունաբերական ձեռնարկություն և հարյուրավոր այլ նշանակության օբյեկտներ։ Երկրաշարժի պատճառով վնասվել է Հայաստանի բնակֆոնդի 17 տոկոսը: Ավերվել էին 11 քաղաք և 58 գյուղ, տուժած քաղաքների թիվը 21 էր, գյուղերինը՝ 342:
