«Դեպի Եվրատեսիլ»-ի հայտագրումը սկսված է

ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: «Դեպի Եվրատեսիլ» նախագծի հայտագրումը սկսված է:

«Արմենպրես»-ի հաղորդմամբ՝ այս մասին հայտնում է Առաջին ալիքը:

Հաղորդագրության մեջ ասվում է, որ անհրաժեշտ է այցելել www.eurovision.am կայք և լրացնել առցանց հայտադիմումը:

Ավելի վաղ Առաջին ալիքը հայտնել էր, որ «Եվրատեսիլ 2025»-ի մասնակցին կընտրի հանրությունը:

«Առաջին ալիքը մեկնարկում է «Դեպի Եվրատեսիլ» նախագիծը, որի հաղթողը կներկայացնի Հայաստանը «Եվրատեսիլ 2025»-ում, որը կանցկացվի Շվեյցարիայի Բազել քաղաքում: Այս տարի դուք ոչ միայն ընտրողն եք, այլ, գուցե, հենց մասնակիցը: «Դեպի Եվրատեսիլ» նախագիծը այն հարթակն է, որտեղ դուք կարող եք լսելի դարձնել ձեր ձայնն ամբողջ աշխարհին: Մրցույթին կարող են մասնակցել 2025 թվականի մայիսի 13-ի դրությամբ առնվազն 16 տարեկանը լրացած անձինք՝ ներկայացնելով նախկինում երբևէ չհրապարակված և չհնչած մրցութային երգի վերջնական տարբերակ: Մրցույթին մասնակցելու համար այցելեք www.eurovision.am և լրացրեք առցանց հայտը: Հայտերն ընդունվում են մինչև 2025 թվականի հունվարի 10-ը»,-ասվում է տեքստում: