398.94
Project LA-ը նորովի է մեկնաբանել Եղիշե Չարենցի «Կապույտը» բանաստեղծությունը
1 րոպեի ընթերցում
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Project LA-ը նոր շնչով, նոր ոգով է ներկայացրել մեծանուն գրող Եղիշե Չարենցի «Կապույտը» բանաստեղծությունը՝ հետաքրքիր երաժշտական լուծումներով մատուցելով այն:
«Արմենպրես»-ի հաղորդմամբ՝ երգը, որը կատարում են Գոռ Սուջյանն ու Ռոլանդ Գասպարյանը, արդեն հասանելի է համացանցում:
Երգի երաժշտությունը գրել է Լևոն Արևշատյանը, գործիքավորումն իրականացրել է Վահրամ Յանիկյանը, պրոդյուսերն ու հոլովակի ռեժիսորը Սուրեն Սահակյանն է:
Project LA նախագիծը ստեղծել է կոմպոզիտոր Լևոն Արևշատյանը: Նախագծի բոլոր երգերի երաժշտության հեղինակն Արևշատյանն է: Project LA-ի շրջանակում ծնվել են գործեր՝ հիմնված Վահան Տերյանի, Եղիշե Չարենցի, Էդգար Ալլան Պոյի, Պարույր Սևակի, Համո Սահյանի և այլ հեղինակների ստեղծագործությունների վրա:
Բաժանորդագրվեք մեր ալիքին Telegram-ում