Հայաստանի բասկետբոլի տարբեր տարիքային հավաքականները կմասնակցեն հաջորդ տարվա ԵԱ-ներին

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի ֆեդերացիան հայտ է ներկայացրել Եվրոպայի 2025 թվականի առաջնություններին մասնակցելու համար:

«Արմենպրես»-ի հաղորդմամբ` այս մասին գրում է Հայաստանի բասկետբոլի ֆեդերացիան:

Մ16 տղամարդկանց հավաքականը կմասնակցի Եվրոպայի C դիվիզիոնի առաջնությանը, որը կկայանա հուլիսի 5-13-ը Տիրանայում, (Ալբանիա):

Մ18 տղամարդկանց ընտրանին ուժերը կչափի Եվրոպայի C դիվիզիոնում: Այն կանցկացվի հուլիսի 19-27-ը Դուրեսում, (Ալբանիա):

Մ20 տղամարդկանց թիմը  հուլիսի 11-20-ը Երևանում կմրցի Եվրոպայի B դիվիզիոնի առաջնությունում:

Մ16 աղջիկների հավաքականը կմասնակցի Եվրոպայի C դիվիզիոնի առաջնությանը, որը կկայանա հուլիսի 8-13-ը Կոսովոյում:

Մ18 աղջիկների հավաքականը կմրցի Եվրոպայի C դիվիզիոնի առաջնությունում, որը կանցկացվի հուլիսի 22-27-ը Անդորրայում: