Հայտնի են Գյումրիի քաղաքապետի պաշտոնակատարի թեկնածուները. նրանցից մեկը կնշանակվի նախնական ընտրությունների արդյունքներով

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ։ Վարչապետ Նիկոլ Փաշինյանը հայտնել է այն թեկնածուների անունները, որոնք կպայքարեն Գյումրիի քաղաքապետի պաշտոնակատար նշանակվելու համար։ «Արմենպրես»–ի փոխանցմամբ՝ վարչապետն այդ մասին գրել է «Ֆեյսբուք»–ի իր էջում. 

«Սիրելի գյումրեցիներ, «Քաղաքացիական պայմանագիր» կուսակցության Վարչության որոշմամբ, Գյումրիի քաղաքապետի նախնական ընտրություններին կմասնակցեն քաղաքապետի պաշտոնակատարի հետեւյալ թեկնածուները. 

Լևոն Անանյան 
Դավիթ Առուշանյան 
Շավարշ Արամյան 
Էմմա Բարսեղյան 
Սարիկ Մինասյան 
Վահագն Մկրտչյան 
Կարեն Սարուխանյան

Նրանք այսօրվանից կարող են իրականացնել քարոզչություն, իսկ նախնական քվեարկությունը տեղի կունենա դեկտեմբերի 8-ին, 9-ին, 10-ին: Նախնական քվեարկության արդյունքներով առավելագույն ձայն ստացած թեկնածուին կնշանակեմ Գյումրիի քաղաքապետի պաշտոնակատար: Քվեարկության կարգի մասին կտեղեկացնեմ լրացուցիչ»,– գրել է Փաշինյանը: