Կառավարությունը նվազեցրել է 2025-ի տնտեսական աճի կանխատեսումը. վերանայվել են պետբյուջեի եկամուտներն ու ծախսերը

3 րոպեի ընթերցում

ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Կառավարությունը վերանայել ու նվազեցրել է 2025 թվականի պետական բյուջեի նախագծի եկամուտները, ծախսերը, ինչպես նաև տնտեդսական աճի կանխատեսումը նվազեցրել է 5.1 տոկոսի: 

«Արմենպրես»-ի փոխանցմամբ՝ 2025 թվականի պետական բյուջեի մասին օրենքի նախագծի քննարկումը շարունակվեց ԱԺ դեկտեմբերի 3-ի նիստում:

Ֆինանսների նախարար Վահե Հովհաննիսյանը ներկայացրեց ՀՀ պետական բյուջեի նախագծի փոփոխված տաարբերակը:

2025 թվականին պետական բյուջեի նախագծի հիմքում դրված ՀՆԱ-ի վերագնահատման, ի հայտ եկած նոր իրողությունները նախագծում արտացոլելու, ինչպես նաև բյուջեի մշակման հիմքում դրված նոյեմբերի 1-ի փոխարժեքով վերահաշվարկվելու նպատակով վերանայվել են 2025թ պետական բյուջեի նախագծի եկամուտները, ծախսերը և դեֆիցիտը:

«2025 թվականի պետկան բյուջեի վերանայված նախագծով ՀՆԱ-ն կանխատեսվել է 10 տրլն 891 մլրդ դրամ, տնտեսական աճը՝ 5.1 տոկոս: Նշված ցուցանիշները սկզբնական նախագծի համեմատ փոփոխվել են նվազման ուղղությամբ՝ համապատասխանաբար 158 մլրդ դրամով և 0.5 տոկոսային կետով»,-ասաց Հովհաննիսյանը:

Պետական բյուջեի եկամուտները կկազմեն 2 տրլն 837 մլրդ դրամ, որը նախնական տարբերակի համեմատ պակաս է 35.5 մլրդ դրամով: Այդ նվազեցումը նախարարը պայմանավորեց ՀՆԱ-ի վերագնահատման արդյունքում հարկային եկամուտների նվազեցումով: Հարկեր-ՀՆԱ ցուցանիշի անփոփոխ 25 տոկոս մակարդակի պահպանման պայմաններում հարկային եկամուտները նվազել են 39.6 մլրդ դրամով: Պաշտոնական դրամաշնորհներն ավելացել են 1.6 մլրդ դրամով, ինչը պայմանավորված է ինչպես նպատակային և աջակցության դրամաշնորհների ավելացումով, այնպես էլ փոխարժեքի փոփոխությամբ: Այլ եկամուտների 2.6 մլրդ դրամով ավելացումը պայմանավորված է առանձին եկամտատեսակների վերագնահատմամբ, ինչպես նաև փոխարժեքի փոփոխությամբ:

Պետական բյուջեի ծախսերը կկազմեն 3 տրլն 441 մլրդ դրամ, որից ընթացիկ ծախսերը՝ 2 տրլն 706 մլրդ դրամ, իսկ կապիտալ ծախսերը՝ 734 մլրդ դրամ: Բյուջեի ծախսերն առաջին փուլի համեմատ նվազել են 40.8 մլրդ դրամով: Ընդ որում՝ ընթացիկ ծախսերը նվազել են 42.4 մլրդ դրամով, իսկ կապիտալ ծախսերն աճել են 1.7 մլրդ դրամով:

«Ծախսերի նվազեցումը հիմնականում պայմանավորված է մակրոպահուստների նվազեցմամբ՝ 48.3 մլրդ դրամի չափով, որը նախատեսված էր ՀՆԱ-ի հնարավոր նվազեցումների ռիսկը կառավարելու համար»,-ասաց Հովհաննիսյանը:

Կառավարության պահուստային միջոցները, ըստ նախագծի, ավելացել են 3.3 մլրդ դրամով: 

Պետական բյուջեի պակասուրդը պահպանվել է ՀՆԱ-ի 5.5 տոկոսի մակարդակում և կազմում է 604 մլրդ դրամ, որն առաջին փուլի համեմատ նվազեցվել է 5.4 մլրդ դրամով:

Հայերեն English

Եվրամիությունը պատժամիջոցներ է սահմանել գրեթե 50 ռուսական բանկի նկատմամբ

ԶՊՄԿ-ն երկրորդ տարին անընդմեջ մասնակցում է CaseKey ծրագրին՝ ուսանողներին հնարավորություն տալով բացահայտել ՀՀ արդյունաբերությունը

«Նաիրի» ԲԿ-ում բացվեց ժամանակակից բժշկության առաջադեմ լուծումներով հագեցած Սրտանոթային ինտերվենցիոն կենտրոն

Իրաքն արգելափակել է Telegram-ը՝ Հորդանանի նմանատիպ քայլից հետո

Արարատ Միրզոյանը Բրյուսելում հանդիպել է Հունաստանի արտաքին գործերի նախարարի հետ

Լավրովն Արաղչիի հետ հեռախոսազրույցում քննարկել է իրավիճակը Մերձավոր Արևելքում

Բարսելոնայում ոստիկանությունը ցրել է բնակարանային ճգնաժամի դեմ բողոքողների ճամբարը

Նույնակացման միջոցներով դրոշմավորման փորձնական ծրագրեր են իրականացվում 6 հիմնական ապրանքախմբի համար․ ՊԵԿ

ՀՀ ԿԲ. թանկարժեք մետաղների գներ և փոխարժեքներ -16/11/26

Ասիական ինդեքսներ - 16/11/26