1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Երևանում ընթացող Զինվորականների ըմբշամարտի 37-րդ առաջնության մրցումային առաջին օրը Հայաստանի ընտրանին հերթական ոսկին է նվաճում:
«Արմենպրես»-ի հաղորդմամբ` Կարեն Դեմիրճյանի անվան մարզահամերգային համալիրում ընթացող Զինվորականների ըմբշամարտի 37-րդ առաջնության մեկնարկային օրը Հայաստանի հավաքականից 67 կգ քաշային հունահռոմեական ոճի ըմբիշ Գասպար Տերտերյանը եզրափակիչում մրցեց Իրանի ներկայացուցիչ Չուվանի Ալիի հետ: Հայ ըմբիշը կարողացավ արագ հաղթանակի հասնել` 11:0 հաշվով:
Ավելի վաղ Զինվորականների աշխարհի առաջնության ոսկե մեդալակիր էր դարձել Սուրեն Աղաջանյանը, բրոնզ էր նվաճել Հրաչյա Պողոսյանը և Էլեն Բաբաջանյանը դարձել էր արծաթե մեդալակիր: