398.94
Տիգրան Մկրտչյանը հույն պատգամավորին է ներկայացրել Հայաստան-Հունաստան երկկողմ հարաբերությունների զարգացումները
1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ։ Հունաստանում Հայաստանի արտակարգ և լիազոր դեսպան Տիգրան Մկրտչյանը հանդիպել է Հունաստանի խորհրդարանի Հունաստան-Հայաստան բարեկամության խմբի նախագահ, կառավարող «Նոր ժողովրդավարություն» խմբակցության քարտուղար Ստավրոս Կալաֆատիսին:
Ինչպես «Արմենպրես»-ը տեղեկանում է դեսպանության տարածած հաղորդագրությունից, Տիգրան Մկրտչյանը խորհրդարանականին է ներկայացրել Հայաստան-Հունաստան երկկողմ հարաբերությունների վերջին շրջանի զարգացումները՝ նշելով, որ տարին չափազանց ակտիվ է եղել գործադրի մակարդակով շփումների առումով: Նշել է, որ առաջիկայում ևս նախատեսվում են մի շարք այցեր և հանդիպումներ:
Զրուցակիցներն ընդգծել են միջխորհրդարանական շփումներն ակտիվացնելու կարևորությունը: Պարոն Կալաֆատիսն, իր հեթին ևս, հետաքրքրություն է հայտնել փոխադարձ այցերի կազմակերպման հարցում:
Պայմանավորվածություն է ձեռք բերվել շարունակել համագործակցությունը: Հանդիպման ավարտին զրուցակիցներն ընծաներ են փոխանակել:
Բաժանորդագրվեք մեր ալիքին Telegram-ում