Ֆրանսիայում Հայաստանի նորանշանակ դեսպանն իր հավատարմագրերի պատճենն է հանձնել պետական արարողակարգի ծառայության տնօրենին
1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայում Հայաստանի նորանշանակ արտակարգ և լիազոր դեսպան Արման Խաչատրյանն իր հավատարմագրերի պատճենն է հանձնել Ֆրանսիայի պետական արարողակարգի ծառայության տնօրենի տեղակալ Մաթյո Կարմոնային (Mathieu CARMONA)։ «Արմենպրես»-ի փոխանցմամբ՝ այս մասին հաղորդագրություն է տարածել Ֆրասիայում Հայաստանի դեսպանությունը:
Շնորհավորելով դեսպան Խաչատրյանին Ֆրանսիայում իր դիվանագիտական առաքելության մեկնարկի կապակցությամբ՝ Մաթյո Կարմոնան հաջողություն և բեղմնավոր աշխատանք է մաղթել նրան։ Վստահություն է հայտնել, որ նրա գործունեության ընթացքում հայ-ֆրանսիական համագործակցությունը կշարունակի ամրապնդվել և համալրվել նոր բովանդակությամբ։
Շնորհակալություն հայտնելով բարեմաղթանքների համար՝ դեսպան Խաչատրյանն ընդգծել է, որ առավելագույն ջանքերը կներդնի ընդհանուր արժեքների վրա հիմնված հայ-ֆրանսիական բարեկամության և Հայաստանի ու Ֆրանսիայի միջև առկա առանձնաշնորհյալ հարաբերությունների ամրապնդման, հետագա խորացման և երկկողմ օրակարգի առաջմղման ուղղությամբ: