368.59
Դիվանագիտական առաքելության ավարտի կապակցությամբ Ֆրանսիայում ՀՀ դեսպանը հանդիպումներ է ունեցել Նիկոլա Սարկոզիի և Ֆրանսուա Օլանդի հետ
1 րոպեի ընթերցում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայում դիվանագիտական առաքելության ավարտի կապակցությամբ դեսպան Հասմիկ Տոլմաջյանը քաղաքավարական հանդիպումներ է ունեցել Ֆրանսիայի նախկին նախագահներ Նիկոլա Սարկոզիի և Ֆրանսուա Օլանդի հետ։
«Արմենպրես»-ի փոխանցմամբ՝ հանդիպման մասին հաղորդագրությունն ու լուսանկարները հրապարակվել են Ֆրանսիայում ՀՀ դեսպանության «Ֆեյսբուք»-ի էջում:
Հայաստանի դեսպանն իր երախտագիտությունն է հայտնել նախկին նախագահներին՝ Հայաստանի ու Ֆրանսիայի միջև առանձնաշնորհյալ հարաբերությունների ամրապնդման գործում շարունակական ներդրման համար։
Հանդիպումների ընթացքում մտքեր են փոխանակվել Հարավային Կովկասում իրավիճակի և ընթացող գործընթացների վերաբերյալ։
Բաժանորդագրվեք մեր ալիքին Telegram-ում