«Երևանի աղբահանություն և սանիտարական մաքրում» հիմնարկը ձմռան նախապատրաստական աշխատանքներ է սկսել
1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: «Երևանի աղբահանություն և սանիտարական մաքրում» համայնքային հիմնարկը ձմռանն ընդառաջ վերապատրաստում է տեխնիկան: «Արմենպրես»-ի փոխանցմամբ՝ այս մասին տեսանյութ է հրապարակել Երևանի քաղաքապետարանը:
«Մեքենաները նորոգվում են, հիմնարկի երեք պահեստներում կուտակվում է աղն ու ավազը: Նախորդ տարի ձեռք բերված 50 բազմաֆունկցիոնալ տեխնիկան, որը նախատեսված է մայթերի մաքրման համար, ևս կարգի է բերվում»,- հայտնում են քաղաքապետարանից:
Հավաքակայանն, ամեն դեպքում, համալրվելու կարիք ունի, արդեն հաջորդ տարի ձեռք կբերվի նոր տեխնիկա` նեղ փողոցները մաքրելու համար: