1 րոպեի ընթերցում
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Արմավիրի մարզային փրկարարական վարչության ճգնաժամային կառավարման կենտրոնը նոյեմբերի 10-ին, ժամը 05:20-ին ահազանգ է ստացել, որ Արմավիր-Ալաշկերտ ավտոճանապարհին այրվում է ավտոմեքենա։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Պարզվել է, որ հրդեհը բռնկվել է VAZ մակնիշի ավտոմեքենայում (վարորդ՝ Օ. Ա.):
Ըստ աղբյուրի՝ հրդեհը մեկուսացվել է ժամը 05:33-ին, մարվել՝ 05:58-ին: Այրվել են ավտոմեքենայի շարժիչի հատվածը և սրահը: