1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Չեմպիոնների լիգայում կայացան հիմնական փուլի 4-րդ տուրի հանդիպումները:
«Արմենպրես»-ի հաղորդմամբ` ՊՍՎ-ն հաղթեց «Ժիրոնա»-ին 4:0 հաշվով: «Սլովան»-ը տանը պարտվեց Զագրեբի «Դինամո»-ին 1:4 հաշվով:
Մադրիդի «Ռեալ»-ը Սանտիագո Բեռնաբեո մարզադաշտում պարտվեց «Միլան»-ին 1:3 հաշվով: «Լիվերպուլ»-ը սեփական հարկի տակ առավելության հասավ «Բայեր»-ի նկատմամբ` 4:0: Դորտմունդի «Բորուսիա»-ն նվազագույն հաշվով առավելության հասավ «Շտուրմ»-ի նկատմամբ:
«Մանչեսթեր Սիթի»-ն հյուրընկալվելիս 4:1 հաշվով զիջեց «Սպորտինգ»-ին: «Սելթիկ»-ը տանը 3:1 հաշվով գերազանցեց «Լայպցիգ»-ին, իսկ «Մոնակո»-ն նվազագույն հաշվով հաղթեց «Բոլոնիա»-ին: «Լիլ»-«Յուվենտուս» հանդիպումն ավարտվեց ոչ-ոքի` 1:1 հաշվով: