Իսրայելը հարվածներ է հասցրել Դամասկոսի արվարձաններին. ԶԼՄ-ներ

ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Իսրայելի ռազմաօդային ուժերի ինքնաթիռները հարվածներ են հասցրել Սիրիայի Սեյիդա Զեյնաբ արվարձանին, որը Դամասկոսի միջազգային օդանավակայանի ճանապարհին է։

Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, Al Hadath հեռուստաալիքը հայտնել է, որ մի քանի պայթյուն է որոտացել ԱլՄազար շրջանում՝ սիրիական բանակի կողմից կռվող շիական «Հեզբոլլահ» կազմավորումների ճամբարների մոտ։ Կորուստների և նյութական վնասների մասին տեղեկություններ չեն հաղորդվում։