398.94
ՊԵԿ-ն ընթացիկ տարում հավաքագրված եկամուտների 6,8 տոկոս աճ է արձանագրել
1 րոպեի ընթերցում
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ։ Պետական եկամուտների կոմիտեն 2024 թվականի առաջին ինն ամիսների ընթացքում նախորդ տարվա նույն ժամանակահատվածի համեմատ հավաքագրել է 6,8 տոկոսով ավելի գումար։
«Արմենպրես»-ի փոխանցմամբ՝ այս մասին ԱԺ մշտական հանձնաժողովների համատեղ նիստում 2025 թվականի պետական բյուջեի մասին օրենքի նախագծի նախնական քննարկմանն ասաց Պետական եկամուտների կոմիտեի նախագահ Ռուստամ Բադասյանը։
«Այս տարվա հունվար-սեպտեմբեր ամիսներին հավաքագրված հարկային եկամուտները կազմել են 1 տրիլիոն 760 միլիարդ դրամ, ինչը նախորդ տարվա նույն ժամանակահատվածի համեմատ ավելի է 112,7 միլիարդ դրամով կամ 6,8 տոկոսով։ Մինչև տարվա վերջ այս աճի դինամիկան կշարունակվի և կունենանք բարելավում»,- նշեց Բադասյանը։
Բաժանորդագրվեք մեր ալիքին Telegram-ում