Հակոբ Արշակյանը Հայաստանի և Ադրբեջանի միջև սահմանազատման գործընթացը բարդ, բայց հաղթանակի ու խաղաղության ճանապարհ է համարում
1 րոպեի ընթերցում
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ԱԺ փոխնախագահ Հակոբ Արշակյանը Հայաստանի և Ադրբեջանի միջև սկսված սահմանազատման գործընթացը համարում է բարդ, զոհողությունների, բայց միևնույն ժամանակ հաղթանակի ճանապարհ:
«Արմենպրես»-ի փոխանցմամբ՝ Արշակյանը նման դիրքորոշում հայտնեց ԱԺ-ում Հայաստանի և Ադրբեջանի սահմանազատման հանձնաժողովների գործունեության կանոնակարգը վավերացնելու հարցի քննարկման ժամանակ։
«Մենք այսօր ևս մեկ անգամ ՀՀ պետականության, տարածքային ամբողջականության, սուվերենության, ինքնիշխանության շատ կարևոր անկյունաքար ենք դնելու»,-ասաց նա:
ԱԺ փոխնախագահը շնորհակալություն հայտնեց սահմանազատման հարցով հանձնաժողովի նախագահ, փոխվարչապետ Մհեր Գրիգորյանին՝ այդ կարևորագույն աշխատանքն իրականացնելու համար, նաև վարչապետին՝ ՀՀ-ն հետևողականորեն դեպի խաղաղ հանգրվան տանելու առաջնորդության համար:
«Սա հեշտ ճանապարհ չէ, սա բարդ ճանապարհ է, սա զոհողությունների ճանապարհ է: Բայց միևնույն ժամանակ սա հաղթանակի, խաղաղության, Հայաստանի ինքնիշխանության և տարածքային ամբողջականության ճանապարհ է»,-նշեց Արշակյանը: