Հայաստանի և Ադրբեջանի միջև սահմանազատման հանձնաժողովների գործունեության կանոնակարգն ԱԺ նիստի օրակարգում է. ՈՒՂԻՂ
1 րոպեի ընթերցում
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Մեկնարկել է Ազգային ժողովի հերթական նիստը:
«Արմենպրես»-ի փոխանցմամբ՝ նիստի օրակարգում է «Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի ու Ադրբեջանի Հանրապետության եւ Հայաստանի Հանրապետության միջեւ պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին օրենքի նախագիծը:
Խորհրդարանը կքննարկի նաեւ մի շարք միջազգային համաձայնագրեր:
Նիստերի օրակարգում են Հեռուստատեսության եւ ռադիոյի հանձնաժողովի անդամի ընտրության, Վճռաբեկ դատարանի քաղաքացիական պալատի դատավորի թեկնածուի ընտրության, Վճռաբեկ դատարանի քրեական պալատի դատավորի թեկնածուի ընտրության հարցերը եւ մի շարք օրենսդրական նախաձեռնություններ: