1 րոպեի ընթերցում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանը ներկայացնող շախմատիստներ Արամ Հակոբյանը և Մանուէլ Պետրոսյանը շարունակում են ելույթները ղազախական «Oskemen open»-ում:
«Արմենպրես»-ի հաղորդմամբ` 6 տուրից հետո Մանուէլ Պետրոսյանը և Արամ Հակոբյանը 6 հնարավորից հավաքելով 4,5 միավոր, կիսում են 3-11-րդ հորիզոնականը: Առաջատարը 6 միավորով Վիտալի Բերնադսկին է:
«Oskemen open»-ի Masters մրցաշարին մասնակցում է 121 շախմատիստ: Մրցաշարի ամենաբարձր վարկանիշն ունի Մանուէլ Պետրոսյանը: «Oskemen open»-ն անցկացվում է շվեյցարական մրցակարգով ու բաղկացած է 10 տուրից: