394.73
Հայաստանի և Հունաստանի միջև առկա են հրաշալի հարաբերություններ, որոնք ունեն հարուստ պատմական հենք. Մայրա Միրոջանի
1 րոպեի ընթերցում
ԵՐԵՎԱՆ,19 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի և Հունաստանի միջև առկա են հրաշալի հարաբերություններ, որոնք ունեն հարուստ պատմական հենք։ Մեր երկրներն ունեն դարավոր բարեկամություն և համագործակցություն՝ հիմնված ընդհանուր արժեքների վրա, ինչպես նաև համայնքներ՝ ցրված ամբողջ աշխարհում։
«Արմենպրես»-ի հաղորդմամբ՝ այդ կարծիքը Համաշխարհային հայկական գագաթնաժողովում հայտնեց Արտերկրի հույների և Հունաստանի արտաքին գործերի նախարարության հանրային դիվանագիտության և իրավական-քաղաքական հարցերով գլխավոր քարտուղար Մայրա Միրոջանին։
«Սփյուռքի համայնքները կենսունակ են և ազդեցիկ։ Մեր պարտականությունն է կանգնել նրանց կողքին և ցուցաբերել անհրաժեշտ աջակցություն, գույքագրել նրանց կարիքներն ու ամրապնդել կապը հայրենիքի հետ։ Հետագա համագործակցությունն ու կապերը խորացնելու ակնկալիքով՝ Հունաստանի արտաքին գործերի նախարարությունն իրականացնում է ռազմավարական նախագիծ այն հույների համար, ովքեր ապրում են արտերկրում»,- ասաց Միրոջանին։
Նրա խոսքով՝ սփյուռքն ազգի կենսական բաղկացուցիչ մասն է և նրա ներկայացուցիչների մասնակցությունը նման խոշոր գագաթնաժողովներում չափազանց կարևոր է։
Բաժանորդագրվեք մեր ալիքին Telegram-ում