Շիրակի մարզում վթարային ջրանջատումներ կլինեն

ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Վթարի վերացման աշխատանքներով պայմանավորված՝ սեպտեմբերի 17-ի ժամը 9:00-19:00-ն կդադարեցվի Շիրակի մարզի Նոր Կյանք, Վարդաքար, Հովտաշեն գյուղերի և  Անուշավան գյուղի 29-33-րդ փողոցների  ջրամատակարարումը: «Արմենպրես»-ին այս մասին տեղեկացրին «Վեոլիա Ջուր» ընկերությունից՝ հայցելով սպառողների ներողամտությունը պատճառված անհանգստության և կանխավ շնորհակալություն հայտնելով ըմբռնման համար: