1 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի ազգային ժողովի պատգամավոր Արմենուհի Ղազարյանը երդմամբ ստանձնեց պատգամավորական լիազորությունները:
«Արմենպրես»-ի փոխանցմամբ՝ Ազգային ժողովը հայտարարեց, որ Կենտրոնական ընտրական հանձնաժողովը ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորի մանդատը հաջորդ թեկնածուին տրամադրելու մասին համապատասխան արձանագրություն, ըստ որի մանդատը տրվում է «Քաղաքացիական պայմանագիր» կուսակցության ընտրական ցուցակի առաջին մասի հերթական հաջորդ թեկնածու Արմենուհի Ղազարյանին:
Երդման արարողությունը տեղի ունեցավ սեպտեմբերի 9-ին գումարված հերթական նիստի մեկնարկին:
Արմենուհի Ղազարյանը խորհրդարանում փոխարինել է Գուրգեն Արսենյանին, որը նշանակվել էր ՌԴ-ում ՀՀ դեսպան ու հրաժարվել պատգամավորական մանդատից։