ԱՀԿ-ն նախքան կապիկի ծաղիկի դեմ պատվաստանյութի հաստատումը թույլատրում է դրանք գնելու բանակցություններ սկսել
1 րոպեի ընթերցում
![ԱՀԿ-ն նախքան կապիկի ծաղիկի դեմ պատվաստանյութի հաստատումը թույլատրում է դրանք գնելու բանակցություններ սկսել](http://armenpress.am/resized/480/storage/images/articles/2024/08/23/24eixjIHWqKMMXjrqRs1bMwHlb9v3hooRbd73K03.webp)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Առողջապահության համաշխարհային կազմակերպությունը հայտարարել է, որ իր գործընկերները, ինչպիսիք «Գավի»-ն և ՅՈՒՆԻՍԵՖ-ն են, կարող են սկսել կապիկի ծաղիկի (mpox) դեմ պատվաստանյութեր գնելու գործընթացը, նախքան դրանք կհաստատվեն ՄԱԿ-ի առողջապահական գործակալության կողմից: «Արմենպրես»-ի փոխանցմամբ՝ այս մասին հայտնում է Reuters-ը:
Սա արվում է Աֆրիկայում պատվաստումներն ավելի արագ իրականացնելու նպատակով, քանի որ մայրցամաքը պայքարում է վիրուսի բռնկման դեմ:
Ավանդաբար «Գավի»-ի նման կազմակերպությունները, որոնք օգնում են ցածր եկամուտ ունեցող երկրներին գնել պատվաստանյութեր, կարող են սկսել պատվաստանյութեր գնել միայն ԱՀԿ-ի կողմից հաստատվելուց հետո: Բայց կանոնները մեղմացվել են այս դեպքում՝ բանակցություններն առաջ տանելու համար, քանի որ ԱՀԿ-ի հաստատումը տեղի կունենա մի քանի շաբաթից: