Գորիսի քաղաքապետ Առուշ Առուշանյանը հինգ տարով զրկվել է պետական պաշտոններ զբաղեցնելու իրավունքից
1 րոպեի ընթերցում
![Գորիսի քաղաքապետ Առուշ Առուշանյանը հինգ տարով զրկվել է պետական պաշտոններ զբաղեցնելու իրավունքից](http://armenpress.am/resized/480/storage/images/articles/2024/08/21/z5HXa1ZlupjFdzNWEv5ZpPPlQlp70YnQLrFqvWId.webp)
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ։ Գորիսի համայնքապետ Առուշ Առուշանյան հրավիրվել է Հայաստանի արդարադատության նախարարության Պրոբացիայի ծառայություն, որտեղ նրան է ներկայացվել 3 դատական ակտ, ըստ որոնց` նրա նկատմամբ կիրառվել է տուգանք, փորձաշրջան և սահմանվել է պաշտոնավարման արգելք։
Այս մասին «Արմենպրես»-ի թղթակցի հետ զրույցում հայտնեց ՀՀ արդարադատության նախարարության մամուլի խոսնակ Նորայր Շողիկյանը՝ մանրամասնելով, որ Առուշ Առուշանյանն, ըստ այդ դատական ակտերի, տուգանվել է 700 հազար ՀՀ դրամով։ Բացի այդ՝ նա պետք է անցնի 1 տարի 6 ամիս ժամկետով փորձաշրջան, ինչպես նաև սահմանվել է պետական պաշտոններ զբաղեցնելու 5-ամյա արգելք։
«Արմենպրես»-ն ավելի ուշ կներկայացնի լրացուցիչ մանրամասներ, թե ինչ գործով է անցնում Առուշ Առուշանյանը։