Հայաստանում վերջին 2 շաբաթում կորոնավիրուսի լաբորատոր հաստատված 29 դեպք է գրանցվել
1 րոպեի ընթերցում
![Հայաստանում վերջին 2 շաբաթում կորոնավիրուսի լաբորատոր հաստատված 29 դեպք է գրանցվել](http://armenpress.am/resized/480/storage/images/articles/2024/08/17/oDjfMNYVPCnLMASiys9RAHmJFWFSutP9Mb98L6Wh.webp)
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: COVID-19-ի «Օմիկրոն»-ի ենթատեսակներով պայմանավորված՝ կայուն աճ կա ամբողջ աշխարհում:
«Արմենպրես»-ի հաղորդմամբ՝ այս մասին նշել են Հիվանդությունների վերահսկման և կանխարգելման ազգային կենտրոնի մասնագետները՝ Առողջապահության նախարարի առաջին տեղակալ Լենա Նանուշյանի անցկացրած խորհրդակցությանը, որին մասնակցել են նաև ԱՆ Ինֆեկցիոն հիվանդությունների ազգային կենտրոնի և ԱՆ մասնագիտական ստորաբաժանումների պատասխանատուները:
Խորհրդակցությանը քննարկվել է տարածաշրջաններում և Հայաստանում համաճարակային իրավիճակը:
Վերջին 14 օրում Հայաստանում կորոնավիրուսի լաբորատոր հաստատված 29 դեպք է գրանցվել: Նշվում է , որ հիվանդության ընթացքը թեև ծանր չէ, այս պահին Հայաստանում COVID-19-ի դեմ պատվաստանյութն ունի բարձր արդյունավետություն շրջանառվող ենթատեսակների դեմ: