Սուբվենցիոն ծրագրի իրականացման արդյունքում Գյումրին կունենա շուրջ 22 հազար քառակուսի մետր բարեկարգ տարածք
1 րոպեի ընթերցում
![Սուբվենցիոն ծրագրի իրականացման արդյունքում Գյումրին կունենա շուրջ 22 հազար քառակուսի մետր բարեկարգ տարածք](http://armenpress.am/resized/480/storage/images/articles/2024/08/04/rw1a2fwi5gl1Y0rpavuJEMgZYJk8QOmH09gimZ8a.webp)
ԳՅՈՒՄՐԻ, 4 ՕԳՈՍՏՈՍԻ, ԱՐՄԵՆՊՐԵՍ: Սուբվենցիոն ծրագրի իրականացման արդյունքում Գյումրին կունենա շուրջ 22 հազար քառակուսի մետր բարեկարգ տարածք։ Ինչպես տեղեկացնում է «Արմենպրես»-ը, խոսքը վերաբերում է Գյումրի քաղաքում իրականացվող «Կուրսկի» այգու (Բուլվարային թաղամաս), գյումրեցի ծանրորդ, Օլիմպիական խաղերի, աշխարհի ու Եվրոպայի չեմպիոն Յուրի Վարդանյանի անվան պուրակի (Թբիլիսյան խճուղու հարակից հատված) և Իսահակյան փողոցի այգու մի հատվածի բարեկարգման աշխատանքներին։
««Համայնքային երկու այգիների, մեկ պուրակի բարեկարգման և մեկ զբոսայգու կառուցման աշխատանքներ» սուբվենցիոն ծրագրի ընդհանուր արժեքը կազմում է 130 մլն 677 հազար դրամ, որից կառավարության համամասնությունը 40 տոկոս է։ Այն ներառում է նաև Մովսես Խորենացի փողոցի հարևանությամբ գտնվող զբոսայգու կառուցման աշխատանքները»,-«Արմենպրես»-ին տեղեկացրին Շիրակի մարզպետի աշխատակզմի Անձնակազմի կառավարման, փաստաթղթաշրջանառության և հասարակայնության հետ կապերի վարչությունյունից։
Արմենուհի Մխոյան