Սլովակիան և Ուկրաինան քննարկել են ռուսական նավթի մատակարարումների սահմանափակումների հարցը
1 րոպեի ընթերցում
![Սլովակիան և Ուկրաինան քննարկել են ռուսական նավթի մատակարարումների սահմանափակումների հարցը](http://armenpress.am/resized/480/storage/images/articles/2024/07/18/fR4r8v5xMLfad1kaoDkejNoxLRbdQ9GbzpdzlmG9.webp)
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ։ Սլովակիայի էկոնոմիկայի նախարար Դենիսա Սակովան և երկրում Ուկրաինայի դեսպան Միրոսլավ Կաստրանը քննարկել են Կիևի կողմից ռուսական նավթի մի մասի տարանցման հետ կապված սահմանափակումներին վերաբերող հարցեր։
«Արմենպրես»-ի փոխանցմամբ՝ այս մասին Սլովակիայի էկոնոմիկայի նախարարը նշել է ֆեյսբուքյան իր էջում կատարած գրառման մեջ։
«Այսօր ես խոսեցի Սլովակիայում Ուկրաինայի դեսպան պարոն Միրոսլավ Կաստրանի հետ ուկրաինական պատժամիջոցների ցուցակի պատճառով՝ Սլովակիա նավթի որոշ մատակարարումների սահմանափակման հետ կապված ներկա իրավիճակի մասին», - նշել է Սակովան՝ հույս հայտնելով, որ այդ հարցը կլուծվի։