Փրկարարներն ամրացրել են քոլեջի տանիքի մոտ 40 քմ պոկված թիթեղը
1 րոպեի ընթերցում
![Փրկարարներն ամրացրել են քոլեջի տանիքի մոտ 40 քմ պոկված թիթեղը](http://armenpress.am/resized/480/storage/images/articles/2024/07/15/pgKJmadnDlgw2yF48MqIG3hz1YBmQX56AHDgQnTK.webp)
ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը hուլիսի 15-ին, ժամը 13:12-ին ահազանգ է ստացել, որ Երևան քաղաքի Արամ Մանուկյան փողոցում գտնվող քոլեջի տանիքի թիթեղը պոկվել է, առկա է ընկնելու վտանգ․ անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Ըստ աղբյուրի՝ փրկարարները կատարել են ամրացման աշխատանքներ (մոտ 40 քմ թիթեղ)։