Կարլոս Ալկարասը երկրորդ տարին անընդմեջ հաղթեց Ուիմբլդոնում

ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: Թենիսի «Մեծ սաղավարտ»-ի տարվա հերթական մրցաշարի` Ուիմբլդոնի տղամարդկանց մենախաղի եզրափակչում միմյանց դեմ մրցեցին Նովակ Ջոկովիչը և Կարլոս Ալկարասը:

«Արմենպրես»-ի հաղորդմամբ` Լոնդոնի կենտրոնական կորտում կայացած եզրափակիչ խաղում իսպանացի Կարլոս Ալկարասը մոտ 2,5  ժամ ձգված մրցախաղում  առավելության հասավ երեք սեթերից հետո` 6:2, 6:2, 7:6 (7:4) հաշվով:

Նախորդ տարի` 2023 թվականի եզրափակիչում ևս իրար դեմ մրցել էին Ջոկովիչն ու Ալկարասը: Այդ տարի ևս հաղթել էր իսպանացին: