Փրկարարները պարաններով տանիքից իջեցրել են վերելակով այնտեղ բարձրացած քաղաքացուն
1 րոպեի ընթերցում
![Փրկարարները պարաններով տանիքից իջեցրել են վերելակով այնտեղ բարձրացած քաղաքացուն](http://armenpress.am/resized/480/storage/images/articles/2024/07/11/ifNV0QEUlvFFkhkzDI7ifO0mK53zXS9GycS3GqHE.webp)
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հուլիսի 11-ին, ժամը 16:13-ին ահազանգ է ստացել, որ Երևանի Խանջյան փողոցում քաղաքացին վերելակով բարձրացել է շենքի տանիք և հոսանքազրկման պատճառով չի կարողանում իջնել. անհրաժեշտ է փրկարարների օգնությունը։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Ըստ աղբյուրի՝ փրկարարները պարանների օգնությամբ քաղաքացի Մ. Ղ.-ին (ծնված 1992 թ․) իջեցրել են տանիքից: