1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Վաշինգտոնում հուլիսի 9-11-ը տեղի ունեցած ՆԱՏՕ-ի գագաթնաժողովի ամփոփիչ հայտարարության մեջ ասվում է, որ 2026 թվականին ՆԱՏՕ-ի գագաթնաժողովը հյուրընկալելու է Թուրքիան:
Ինչպես հաղորդում է «Արմենպրես»-ը, այդ մասին հայտնել են թուրքական ԶԼՄ-ները:
Փաստաթղթում նաև նշվում է, որ ՆԱՏՕ-ի հաջորդ հանդիպումը տեղի կունենա Նիդեռլանդներում։
«Մենք երախտապարտ ենք Ամերիկայի Միացյալ Նահանգների կողմից մեզ ցուցաբերած առատաձեռն հյուրընկալության համար, մենք անհամբերությամբ սպասում ենք մեր հաջորդ գագաթնաժողովին, որը տեղի կունենա 2025 թվականի հունիսին՝ Հաագայում (Նիդեռլանդներ), իսկ հետո՝ Թուրքիայում», - ասվում է հայտարարության մեջ: