1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության կիսաեզրափակիչ երկրորդ խաղում Նիդեռլանդները մրցեց Անգլիայի հետ:
«Արմենպրես»-ի հաղորդմամբ` Դորտմունդում կայացած խաղի մեկնարկում գնդակին ավելի շատ տիրում էր Նիդեռլանդները: Եվ ընդամենը 7-րդ րոպեին հեռահար, շեշտակի հարվածով աչքի ընկավ Սիմոնսը: Բայց հանդիպման 18-րդ րոպեին Անգլիան վերականգնեց հաշվի հավասարությունը: Նշանակված 11 մետրանոց հարվածն անվրեպ իրացրեց Հարի Քեյնը: Թիմերն ընդմիջման գնացին 1:1 հաշվով: Երկրորդ կեսում թե Նիդեռլանդները, թե Անգլիան գրոհներ էին կազմակերպում, սակայն եզրափակիչ, որոշիչ հարվածը չկար: Անգլիային հաջողվեց հաղթանակ կորզել հանդիպման վերջին րոպեին: Ուժեղ, շեշտակի ու հաղթական գոլի հեղինակ դարձավ Վատկինսը:
Նիդեռլանդներ-Անգլիա` 1:2:
Եվրոպայի առաջնության եզրափակիչը կկայանա հուլիսի 14-ին և կմեկնարկի Երևանի ժամանակով 23:00-ին: Եզրափակիչում կմրցեն Իսպանիան ու Անգլիան: